Styttist óðum í úrslit Músíktilrauna 2016

Úrslitakvöld Músíktilrauna nálgast óðfluga. Á morgun, laugardaginn 9. apríl klukkan 17 í Norðurljósum Hörpu stígur fyrsta hljómsveitin á svið. Ellefu hljómsveitir spila í glæsilegri umgjörð þar sem valinn maður er í hverju rúmi. Útvarpað er í beinni á Rás 2 og sjónvarpað í beinni á RÚV 2. Miðaverð er 2000 krónur og hægt er að nálgast miða á harpa.is eða við inngang. Hér má hlusta á demó þeirra hljómsveita sem koma fram, og frekari upplýsingar er að finna í hljómsveitaflipanum hér að ofan.

Náttsól og Hórmónar áfram - dómnefnd bætti þremur hljómsveitum við!

Eftir enn eitt viðburðaríkt undankvöld kaus salur áfram eina hljómsveit og dómnefnd aðra. Dómnefnd valdi Náttsól áfram en salur Hórmóna! Ekki nóg með það, þá bættust þrjár hljómsveitir við úrslitakvöldið, nú þegar öll kurl voru til grafar komin. Hljómsveitirnar þrjár sem dómnefnd bætti við eru:
Körrent, Miss Anthea og Spünk!

Nú er listinn yfir þær ellefu hljómsveitir sem spila á úrslitakvöldinu næsta laugardagskvöld kominn á hreint!
Spünk
Miss Anthea
Körrent
Hórmónar
Náttsól
Amber
Wayward
Magnús Jóhann
Vertigo
Helgi Jónsson
RuGl

Óskum við þeim til hamingju og svo sjáumst við á laugardaginn!
Á meðfylgjandi mynd má sjá trommarann í Spünk tryllast á trommusettinu.
Ljósmynd tók Brynjar Gunnarsson.

Pages

Subscribe to Músíktilraunir 2016 RSS